Palusot ni Duque sa nabulilyasong covid-19 vaccine mula sa Pfizer

AGAD dumepensa si Health Secretary Francisco Duque III kaugnay sa akusasyong siya umano ang dahilan ng pagkakadiskaril ng pagsusuplay sana ng COVID-19 vaccine ng Pfizer sa bansa sa darating na Enero.
Paliwanag ni Duque, dumaan sa proseso ang confidentiality disclosure agreement (CDA), na siyang kinakailangang dokumento para sa pagbili ng bakuna, at hindi ito maaaring madaliin.
Dokumentado rin, aniya, ang pinagdaanang proseso ng CDA at ilang beses ding sinuri ng mga kinauukulang ahensya bago ito pirmahan.
Iginiit din ng kalihim na walang katotohanan na hindi nya agarang inaksyunan ang nabanggit na kasunduan.
Matatandaang diretsahang tinukoy ni Sen. Ping Lacson si Duque na siya umanong dahilan ng pagkabulilyaso ng pagsusuplay ng bakuna ng Pfizer dahil sa hindi aniya nito pag-asikaso sa nabanggit na dokumento.