‘Killer cop’ na si Jonel Nuezca inilipat na sa BJMP

INILIPAT na sa kustodiya ng Bureau of Jail Management and Penology (BJMP) ang tinaguriang killer cop na si Master Sergeant Jonel Nuezca, ang nakapatay sa mag-ina sa Paniqui, Tarlac.
Ayon kay Tarlac Provincial Director, Police Colonel Renante Cabico, natanggap na nitong Lunes ang commitment order ni Nuezca mula sa korte.
Sumailalim si Nuezca sa rapid test para sa COVID-19 at iba pang medical tests bago inilipat sa BJMP facility.
Ayon kay Paniqui Municipal Police Station Chief, Lieutenant Colonel Noriel Romboa, nailipat agad sa BJMP facility is Nuezca ilang oras pagkatanggap nila ang commitment order.
Bago ito, sinabi ni PNP Chief, General Debold Sinas, na madi-dismiss sa serbisyo si Nuezca sa loob ng 30 araw.