Lola, 2 apo natusta sa sunog sa Bulacan

NASAWI ang lola at dalawa nitong apo nang masunog ang kanilang bahay sa San Ildefonso, Lunes ng madaling araw.
Kinilala ang mga biktima na sina Zenaida Ferena, 75; Donalyn,12; at Zafea, 6, residente ng Barangay Lapnit, San Ildefonso.
Ayon kay FO2 John Edison Sacdalan ng San Ildefonso Fire Station, naapula ang sunog 1:27 ng madaling araw.
Matapos maapula ang sunog, tumambad sa mga bumbero ang sunog na katawan ng tatlong biktima na magkakatabi sa banyo.
Aabot sa P200,000 ang ari-ariang nasunog sa lugar.
(James de Jesus)