‘Most wanted’ person sa Metro Manila, huli sa Parañaque

NADAKIP ng mga pulis ang isang “most wanted person” sa Metro Manila sa lungsod ng Parañaque nitong Biyernes ng gabi.
Ayon sa pulisya, naaresto ng mga tauhan ng National Capital Region Police Office (NCRPO) si Ronnie Bolista, na wanted sa kasong double murder.
Hinuli si Bolista ng police tracker team sa San Antonio Valley, Barangay San Isidro.
Sa report, mayroong kinakaharap na warrant of arrest si Bolista para sa mga kasong double murder at frustrated murder na inisyu ni Judge Pedro Dabu ng Malabon RTC Branch 170.
Walang inirekomendang piyansa sa mga kaso ni Bolista.