7.1 magnitude na lindol yumanig sa Davao Occ.

NIYANIG ng magnitude 7.1 na lindol ang Davao Occidental nitong Huwebes ng gabi, ayon sa Philippine Institute for Volcanology and Seismology (PHIVOLCS).
Tectonic ang origin ng lindol na yumanig 8:23 ng gabi na may lalim na 111 kilometers.
Naitala ang epicentre ng lindol sa layong 05.02°N, 127.66°E – 244 km S 66° E ng bayan ng Jose Abad Santos sa Davao Occidental.
Wala namang itinaas na tsunami alert ang PHIVOLCS.
“Malalim po ‘yong lindol. Wala pong tsunami na mangyayari,” ani Philvolcs director Renato Solidum.
“Major earthquake ito, pero malalim kaya hindi naman ito magiging damaging talaga sa ating mga infrastructure dahil malayo-layo na rin,” dagdag pa ni Solidum.
Naramdaman naman ang intensity 5 sa General Santos City, habang intensity 4 sa Davao City, intensity 2 sa Bisig City at Surigao del Sur, intensity 5 sa Kiamba, Sarangani; intensity 4 sa General Santos, Alabel, Sarangani; Koronadal City, South Cotabato intensity 3 – Kidapawan City sa Bislig, Surigao del Sur; Gingoog City sa Misamis Oriental intensity 2 – Cagayan de Oro; Surigao, Surigao del Norte; Borongan, Eastern SamarIntensity I – Catbalogan, Samar.