Gen. Sobejana sunod na AFP Chief

KINUMPIRMA ng Malakanyang ang pagpili ni Pangulong Rodrigo Duterte kay Army Commanding General Lt.Gen. Cirilito Sobejana bilang susunod na Armed Forces of the Philippines (AFP) Chief of Staff.
Si Gen. Sobejana ang hahalili kay Gen. Gilbert Gapay na nakatakdang magretiro sa darating na Pebrero 4.
Ayon kay Presidential Spokesman Harry Roque, tiwala silang ipagpapatuloy ni Gen. Sobejana ang modernisasyon sa militar at magpatupad ng mga reporma para maging ganap na propesyunal ang AFP sa mandato nitong tagapagtanggol ng mamamayan at Estado.
Si Gen. Sobejana ay isang medal of valor awardee. (Josephine Patricio/Vanz Fernandez)