Pagbakuna sa lahat ng health workers ‘di aabutin ng 1 buwan – Palasyo

SINIGURO ng Malakanyang na hindi aabutin ng isang buwan at mababakunahan na rin ang lahat ng mga medical frontliners sa bansa.
Sinabi ito ni Presidential Spokesman Harry Roque sa sandaling dumating na ang mga biniling bakuna kontra COVID-19 sa bansa.
Batay sa inilabas na priority list ng pamahalaan, ang mga medical frontliners ang una sa mga mabibigyan ng bakuna kontra COVID-19 na magbubuhat sa COVAX facility.
Nasa 117K ang nakalaang bakuna para sa mga medical frontliner kung saan, tig-dalawang doses ang ibibigay sa kanila. (Vanz Fernandez)