Tulak gumagamit ng marijuana panlaban sa COVID-19, arestado

ARESTADO ang isang drug suspect na gumagamit ng marijuana bilang panlaban umano sa COVID-19 sa Biñan, Laguna.
Kinilala ang dinakip na si Alaric Bay De Guzman Monsod.
Sa report, limang kilo ng marijuana na nagkakahalaga ng P600,000 ang nakuha kay Monsod.
Bagama’t itinanggi ni Monsod na nagtutulak siya, inamin niyang gumagamit siya ng marijuana bilang panlaban daw sa COVID-19. Ito ay sa kabila ng wala pang ebidensiya na nakagagaling ng COVID-19 ang marijuana.
Ayon sa ulat, may mga pag-aaral na ang paghithit ng marijuana ay nagpapataas ng tsansa na magka-pneumonia o ibang impeksyon sa daluyan ng hininga.