Mayor sa Benguet inatake sa puso, patay sa covid

PUMANAW si Mayor Faustino Aquisan ng Kabayan, Benguet province dahil sa atake sa puso, pero lumabas na siya’y positibo sa coronavirus disease (COVID-19).
Na-confine si Aquisan sa Notre Dame de Chartres Hospital, ayon sa Kabayan Public Information Office.
Agad pina-cremate ang kanyang katawan at dinala sa Rex Chapel ng Cathedral of Resurrection.
Sinabihan na ang mga naka-close contact ng alkalde mula Marso 6 hanggang 19 na sumailalim sa mandatoryong home quarantine.