Nat’l sovereignty sa West PH Sea, dedepensahan ng gov’t – DND chief
Advertisers
TINIYAK ni Defense Secretary Delfin Lorenzana na handa ang Pamahalaan na ipagtanggol ang sovereignty at protektahan ang marine resources ng bansa.
“We are ready to defend our national sovereignty and protect the marine resources of the Philippines. There will be an increased presence of the Philippine Navy and Philippine Coast Guard ships to conduct sovereignty patrols and protect our fishermen in the West Philippine Sea,” ani Lorenzana.
Kaalinsabay nito, sinabi ni Lorenzana na dapat umano lisanin o alisin sa lalong madaling panahon ang mga barko ng China sa Julian Felipe Reef sa West Philippine Sea.
Sinabi ni Lorenzana na nagpadala na ng karagdagang barko ang Philippine Navy at Philippine Coast Guard habang nakatalaga naman ang Philippine Air Force AS 211 jet aircraft upang magsagawa ng mga pag-monitor sa sitwasyon sa WPS.
“Our air and sea assets are ready to protect our sovereignty and sovereign rights in the WPS and KIG (Kalayaan Island Group),” saad ni Lorenzana.
Isinaad ni Lorenzana na nakikipag-ugnayan na ang DND sa iba pang government agencies tulad ng Coast Guard at Bureau of Aquatic and Fisheries upang maprotektahan ang seguridad sa WPS at kalayaan Island Group.
“By securing the West Philippine Sea and its islands in the Kalayaan area, the Philippines reinforces its commitment to keeping the freedom of navigation and maintaining regional peace and stability,” dagdag ni Lorenzana.
Magugunita na kinumpirma ng Armed Forces of the Philippine noong March 22 na nasa 183 Chinese vessels ang namataan na nakadaong sa Julian Felipe Reef ng Philippine Air Forces. (Mark Obleada)