Erap nadale ng ‘covid-19’

ISINUGOD sa pagamutan si dating pangulo at Manila Mayor Joseph “Erap” Estrada matapos na magpositibo ito sa COVID-19.

Ayon sa kaniyang anak na si ex-Sen. Jinggoy Estrada, nanghihina ang dating pangulo kaya ito itinakbo sa pagamutan.

Bagama’t stable ang kalagayan ng 83-anyos na si Estrada ay patuloy ang paghingi ng dasal nila para sa agarang paggaling ng ama.

“Stable po ang kanyang kundisyon at ako po ay humihingi ng inyong mga panalangin sa kanyang agarang paggaling,” wika ni dating senador Jinggoy.

Maging ang iba pang kaanak ay nanawagan din ng pagdarasal para sa paggaling ng dating presidente matapos na madapuan ito ng COVID-19. (Josephine Patricio)