Sara Duterte, Isko Moreno nangunguna sa 2022 presidential, vice presidential bets

NANGUNGUNA sa listahan ng Presidentiables si Davao City Mayor Sara Duterte habang si Manila Mayor Isko Moreno naman ang nangunguna sa listahan ng susunod na Bise Presidente.

Base sa latest survey ng Pulse Asia na isinagawa nitong Pebrero 22 hanggang Marso 3, si Duterte ang leading sa mga Presidential bets na may 27%.

Sinundan ito ni dating Sen. Bongbong Marco’s na may 13%, Sen. Grace Poe at Manila Mayor Isko Moreno na kapwa may 12%, at Sen. Manny Pacquiao na may 11%.

Kasama rin sa mga pinagpipilian na maging sunod na Pangulo sina Vice President Leni Robredo Robredo (7 percent), Sen. Bong Go (5 percent), dating Vice President Jejomar Binay (3 percent), Sen. Panfilo Lacson (2 percent) at Rep. Allan Peter Cayetano (2 percent).

Samantala, sa VP race ay dikit ang laban nina Moreno (16 percent), Pacquiao (15 percent) at Duterte (15 percent).

Sinundan naman ito nina Senate President Vicente Sotto III (11 percent), Marcos (11 percent), Go (9 percent), Cayetano (7 percent)at Sorsogon Governor Chiz Escudero (7 percent). (Jonah Mallari)