Lider ng BIFF patay na

PUMANAW na ang isa sa mga lider ng Bangsamoro Islamic Freedom Fighters (BIFF) na si Sheik Mohidin Animbang alyas Commander Kagui Karialan.

Ayon sa isang source na malapit sa loob ng namayapang BIFF leader, nito pang Bi-yernes ng umaga sumakabilang buhay si Commander Karialan.

Sinasabing noon pang bakbakan sa Barangay Kitango, Datu Saudi Ampatuan ay nasugatan na ang BIFF leader at pinalala pa ito nang mangyari ang pag-okupa nila sa public market ng Datu Paglas noong Mayo 8.

Hindi na binanggit kung saan inihimlay ang labi ng BIFF leader at wala pang impormasyon kung sino ang papalit sa kanya.