84 OFWS mula sa UAE positibo sa COVID-19

NAKAPAGTALA ang Department of Labor and Employment (DOLE) ng 84 Overseas Filipino Workers (OFWs) na umuwi sa bansa mula sa United Arab Emirates (UAE) na nagpositibo sa COVID-19.

Ayon kay International Labor Affairs Bureau director Visperas na ang naturang bilang ay magkahalong commercial at repatriation flights mula sa UAE na kabilang sa 2,753 na OFWs na dumating sa bansa mula noong May 15 hanggang July 7.

Giit ni Visperas na ang 84 na nagpositibong OFWs ay mild cases lamang.

Binigyan-diin ni Visperas na aalamin pa kung ang mga nagpositibong mga OFWs ay fully vaccinated na kontra COVID-19. (Josephine Patricio)