Hulyo 20 regular holiday para sa Eid’l Adha

IDINEKLARA ng Malakanyang na isang regular holiday ang Hulyo 20 bilang paggunita ng Eid’l Adha o Feast of Sacrifice.

Nakasaad sa Proclamation no. 1189 na ang deklarasyon ay base sa naging rekomendasyon ng National Commission on Muslim Filipinos.

Hinimok ng Malakanyang ng publiko na makiisa sa mga Muslim sa paggunita ng Eid’l Adha.

Nanawagan din ito sa lahat na paigtingin ang pagsunod sa health protocols na ipinapatupad ng pamahalaan para maiwasan ang pagkalat ng COVID-19. (Josephine Patricio)