Ex-NPA tinodas ng ex-comrades

BULAGTA sa harap ng kanyang mga kainuman ang isang dating rebelde nang pagbabarilin ng dating mga kasama sa New People’s Army sa Barangay Sangat, Sorsogon, Miyerkules ng gabi.

Kinilala ang biktima na si Jonathan Hubilla Escolano, rebel returnee, may kinakasama at residente ng naturang barangay.

Sa ulat, 8:30 ng gabi habang nakikipag-inuman ang biktima sa bahay ni Barangay Kagawad Ame Hamor nang sumulpot ang dalawang armado at hindi nakilalang mga kasapi ng NPA at walang kaabug-abog na pinagbabaril si Escolano.

Mabilis na tumakas ang mga salarin nang matiyak na patay na ang target.