Bilyon-bilyong pondo sa Covid na inipit ng DOH iimbestigahan ng Senado

SISIMULAN na ng Senate blue ribbon committee ang pagdinig sa Commission on Audit (COA) finding sa hindi paggamit ng Department of Health na P67.32 billion na pondo na inilaan sa paglaban sa COVID-19.

Sinabi ni Senador Richard Gordon, chairman ng blue ribbon committee, magsisimula ang virtual public hearing sa darating na Agosto 18 dakong 11:00 ng umaga.

Ayon pa kay Gordon, nais nilang malaman sa DOH kung bakit hindi nagamit ang P69-B na pondo ganun din ang pagka-expired ng mga gamot na naka-imbak sa nasabing ahensiya.

Nauna nang naghain ng magkaibang resolution sina Senador Grace Poe at Senate Minority Leader Franklin Drilon para imbestigahan ang nasabing usapin.