Alert level sa NCR posible ibababa sa Oct. 15

TIWALA ang Malakanyang sa tsansa na maibaba sa alert level 3 ang National Capital Region (NCR) pagsapit ng Oktubre 15.

Ayon kay Presidential Spokesman Harry Roque, nakikita naman ang indikasyon na bumababa na ang COVID cases sa bansa at kung magtutuloy ito hanggang sa mga susunod na araw ay hindi malayong lumuwag ng kaunti ang quarantine status sa NCR.

“I do not want to be accused of prejudging and pre-empting the IATF. All that I said is that the data supports a lowering of the alert level system especially the ICU utilization rate and the overall healthcare utilization rate of Metro Manila,” ani Roque.

Suportado ni Roque ang pahayag ni Presidential Adviser for Entrepreneurship Secretary Joey Concepcion na dapat mas babaan pa ang alert level hanggang alert level 2 para makabawi ang mga negosyante. (Vanz Fernandez/Josephine Patricio)