2 preso huli sumisinghot ng shabu sa loob ng selda

NADAGDAGAN ang kaso ng dalawang bilanggo nang maaktuhan sumisinghot ng shabu sa loob ng Biliran Provincial Jail sa Naval, Biliran.

Kinilala ang mga sito na sina Joel dela Peña, 30 anyos; at Antonio Villena Jr., 49.

Ayon sa jail warden na si Gideon Batiquen, umamin si Dela Peña na sa kanya galing ang iligal na droga, na nakuha niya matapos dumalo sa pagdinig ng kanyang kaso.

Narekober sa dalawang preso ang isang sachet ng shabu, 2 sachets na may latak ng shabu, 3 aluminum tin foil at cellphone.