Kasunod ng First Yaya… Sanya excited na sa pagsasaere ng ‘First Lady’

Ni ROMMEL GONZALES

IBINAHAGI ng Kapuso teen star na si Bryce Eusebio kung bakit mahalaga ang pagbabakuna laban sa COVID-19.

“Well if you ask me ‘kung bakit kailangan magpa bakuna?’ My answer to that is very simple. Vaccines especially in this time and era are very essential to keep us protected against certain viruses.”

Ayon kay Bryce, ang kahalagahan ng bakuna ay proteksyon hindi lamang para sa sarili kundi para na rin sa proteksyon ng ibang tao.

“Lalo na po ngayon very rampant ang Covid infections, it’s my moral and social responsibility to protect myself from acquiring the disease. In turn, I prevent others from getting the infection from me as well.”

Nagparating din ng pasasalamat si Bryce dahil nga sa pagbabakuna sa kanya.

“I would like to say thank you from the bottom of my heart to all the warm and friendly staff (doctors, pedia department, OPD department, PT department, nurses, physical therapists, encoders, administrators, supervisors, and staff from NSO, hemodialysis family, vaccination team and medical team) of Pasig City General Hospital who assisted me with my Covid-19 vaccination this morning.

“You made this day super awesome not only for me but for my whole family as well. Stay safe and healthy everyone! I LOVE YOU 3000.”

Malapit nang mapanood si Bryce sa I Left My Heart In Sorsogon.

***

EXCITED na si Kapuso actress Sanya Lopez sa magiging buhay ng kanyang karakter sa First Yaya na si Melody Reyes.

Sa sequel kasi ng show na First Lady, masusubaybayan natin kung anong mga pagbabago ang magaganap sa buhay ni Melody Reyes lalo na’t kasal na sila ni President Glenn Acosta, ang karakter ni Gabby Concepcion.

“Sisiguraduhin namin na talaga namang mapapasaya namin ang lahat at muli kayong ngingiti,” saad ni Sanya sa report ni Cata Tibayan sa 24 Oras.

Dagdag pa ni Sanya, maraming karakter ang madadagdag sa kanilang masayang pamilya.

Mapapanood ang First Lady sa GMA Telebabad sa 2022.

***

NAKATUTUWA dahil dumalo ang The World Between Us co-stars ni Tom Rodriguez sa ginanap na kasalan nila ni Carla Abellana sa Tagaytay.

Nagmistula tuloy itong reunion ng cast ng The World Between Us; tapos na kasi ang lock in taping nila para sa kanilang show.

Present sa wedding sina Kapuso actress Jasmine Curtis-Smith na gumaganap bilang si Lia Libradilla na younger sister ni Tom (as Brian) sa TWBU.

Kasama ni Jasmine sa kasalan ang boyfriend niyang si Jeff Ortega; naroroon din ang iba pang TWBU stars tulad nina Sid Lucero, Yana Asistio, Kelley Day, Donn Boco, Jericho Arceo, at Erin Ocampo.

Bongga si Kelley at ang black dress na suot niya ay likha ni Arwin Meriales, ang fashion designer na nagdisenyo ng national costume ni Miss Universe Singapore 2020 Bernadette Belle Wu Ong.

Pagkatapos ng kasal, nag-bonding pa rin ang cast ng The World Between Us sa beach for a much-needed getaway.

Muling eere ang TWBU sa November 15 sa GMA.