Pulis at 3 Criminology batchmates huli sa droga at kidnapping

ARESTADO ang isang pulis at tatlo nitong batchmates sa Criminology sa kasong kidnapping, at nakuhanan ng shabu, baril at mga bala sa Quezon City.

Agad ipinag-utos ni Philippine National Police (PNP) Chief, General Guillermo Lorenzo Eleazar, sa Internal Affairs Service na agad simulan ang summary dismissal proceedings para sa isang pulis na sangkot sa kidnapping at possession of illegal drugs at armas.

Base sa impormasyon mula sa National Capital Region Police Office, sinabing si Patrolman Josen Niño Ramos, miyembro ng PNP Drug Enforcement Group, ay naaresto kasama sina Conrad Hiro Liwanag, Ryan Joshua Turla at Oliver Asentista sa pagkidnap sa isang Chinese national.

Sina Liwanag, Turla, at Asentista ay Criminology graduates at batchmates ni Ramos.