12 turista timbog sa pagbibiyahe ng marijuana

KALABOSO ang 12 turista nang mahulihan na ibinibiyahe ang mga marijuana bricks sa interdiction checkpoint ng mga tauhan ng Philippine Drug Enforcement Agency-

Cordillera (PDEA) sa Sitio Ampawilen, Sadanga, Mountain Province nitong Linggo, Nobyembre 21.

Kinilala ni PDEA Regional Director Gil Castro ang mga nadakip na sina Micheal Angelo Marquez Navarro, 29 anyos, ng Porciuncula St., Bocauae, Bulacan; Julius Cyrel Firwanes Balonso, 19, ng Brgy. 178 Camarin, Caloocan City; Jolin Christian Firwanes Balonso, 23, ng Brgy. Camarin; Lyka Joy Oprin, 26, ng Thunderbird Subdivision Camarin; Renz Manuel Britana Periera, 24, ng Barangay Darangan, Binangonan, Rizal; Reina Presa Perez, 33, ng Summer Green Subdivision, Cainta, Rizal; Albert Tuquero Lopez, 29, ng Brgy. Gulod, Novaliches Quezon City; Robin Mar Hernandez Sarmiento, 40, driver, ng Norjagaray, Bulacan; Pearl Raiz Tanedo, 23, ng Baculong Victoria, Tarlac City; Ellamae Jose Domingo, 22, ng Victoria, Tarlac City; Charwin Jaro Santiago, 36, ng San Juan, Cainta, Rizal; at Kennedy Aclao Mensah,18, ng Tuktukan, Guirimilo, Bulacan.

Ayon kay Castro, nakatanggap ng impormasyon ang kanyang mga tauhan na may mga local tourist mula sa bayan ng Tinglayan, Kalinga ang papadaan ng Mountain Province patungong siyudad ng Baguio ang may dala-dalang marijuana.

Isinagawa ang checkpoint sa lugar, 2:00 ng hapon at hinarang ang isang puting Grandia GL Van na lulan ng mga suspek.

Nakuha sa loob ng sasakyan ang 8 piraso ng dried marijuana bricks at stalks with fruiting tops na may timbang na 8.2 kilograms at nagkakahalaga ng P940,000.00.