Anak pinalakol ni daddy

PATAY ang 32-anyos na lalaki nang palakulin ng ama sa Misamis Oriental.

Kinilala ang biktima na si Marjun, habang ang salarin ay kinilalang si Enerio.

Ayon sa pulisya, nag-iinuman ang mag-ama kasama ang isa pang anak nang magkainitan umano dahil sa hindi raw patas na pagtrato ng ama sa magkapatid.

Naghagis pa raw si Marjun ng bato sa kanilang bahay, dahilan upang magalit ang ama.

Kumuha ito ng palakol at pinagtataga ang anak hanggang sa bumagsak.

Sa ngayon, hndi pa natatanggap ng pamilya ang mga pangyayari ngunit ayon sa ina, sana huwag nang makulong ang kanyang asawa.

Ayon naman sa pulisya, magsasampa parin sila ng kaso at hahayaan na ang korte na mismo ang magdesisyon dito.