DILG nagbabala sa mga kandidato sa maagang pangangampanya

MARIING nagbabala ang Department of Interior and Local Government (DILG) sa mga kandidato sa 2022 na elections na maghinay-hinay dahil ang pagsasagawa ng rallies ay mahigpit na ipinagbabawal.

Ito ay dahil sa patuloy pa rin ang banta ng Omicron variant ng COVID-19.

Saad ni DILG Secretary Eduardo Año, hindi pa aniya panahon ng pangangampanya kaya ito ay mahigpit na ipinagbabawal.

Tanging ang caravans at motorcades ang papayagan dahil sa naoobserbahan dito ang mga physical distancing.

May itinakda rin ang Inter-Agency Task Force (IATF) kung ilan lang ang papayagang dumalo sa mga pagtitipon. (Josephine Patricio)