15,000 overseas at local jobs alok ng DOLE sa jobs fair

NASA 15,000 overseas at local jobs ang alok ng Department of Labor and Employment sa inilargang Hybrid Job Fairs nitong Lunes bilang bahagi ng 88th anniversary ng DOLE.

Sa ilalim ng Hybrid Job Fair, limited face-to-face at online job fairs ang isasagawa sa National Capital Region, Bicol Region at Zamboanga Peninsula hanggang Disyembre 10.

Pahayag ni Labor Secretary Silvestre Bello III, 224 employers ang mag-aalok ng mahigit 15,500 overseas at local jobs.

Nasa 3,000 trabaho ang bakante sa Saudi Arabia, United Kingdom, Germany, Japan, Kuwait at Qatar at pinaka-in-demand pa rin ang registered nurses, bakers, auto mechanics, household service workers at kitchen crew.

Locally in-demand naman ang customer service representatives, production workers, sewers, sales associates, salesmen, office staff, helpers at kitchen crew.

Isasagawa ang Job Fair sa DOLE Governance Learning Center sa Intramuros, Maynila at kailangan mag-register ang mga aplikante sa jobquestph portal.