Function hall malapit sa bahay ng mayor grinanada

POSIBLENG bahay ni Datu Piang Mayor Victor Samama ang target sa kambal na pagsabog ng dalawang M79 grenade launcher nitong bisperas ng bagong taon.

Ito ang sinabi ni Samama sa panayam ng media.

Ayon kay Samama, may mga suspek na sa naturang pagsabog ngunit hanggang sa kasalukuyan nagsasagawa pa ng imbestigasyon ang mga otoridad.

Maswerte namang walang nasugatan o nasawi sa naturang pagsabog.

May panawagan din ito sa mga pulis sa bayan na paigtingin ang kanilang pagbabantay.