Covid update: 3,050 bagong kaso; 5,811 gumaling; walang nasawi

NAKAPAGTALA ang Department of Health ng 3,050 na karagdagang kaso ng COVID-19.

Samantala ay mayroon namang naitalang 5,811 na gumaling at 0 na pumanaw.

Sa kabuuang bilang ng mga naitalang kaso sa bansa, 2.2% (81,394) ang aktibong kaso, 96.3% (3,500,956) na ang gumaling, at 1.51% (54,930) ang namatay.

Ayon sa pinakahuling ulat, lahat ng mga laboratoryo ay operational noong February 11, 2022 habang mayroong 2 laboratoryo na hindi nakapagsumite ng datos sa COVID-19 Document Repository System (CDRS).

Base sa datos sa nakaraang 14 na araw, ang kontribusyon ng 2 labs na ito ay humigit kumulang 0.2% sa lahat ng samples na naitest at 0.1% sa lahat ng positibong mga indibidwal. (Andi Garcia/Jocelyn Domenden)