PNP may update na sa imbestigasyon sa mga nawawalang sabungero

INANUNSYO ng Philippine National Police (PNP) na maganda na ang itinatakbo ng kanilang imbestigasyon sa kaso ng mga nawawalang sabungero.

Sinabi ni PNP Chief Gen. Dionardo Carlos, may update sila ngayon sa ginawang pag-iimbestiga ng Criminal Investigation and Detection Group (CIDG).

Ngunit tumanggi muna itong ilahad sa publiko dahil haharap muna sila kay DILG Sec. Eduardo Año para sa case briefing.

Ayon kay Carlos, tatalima rin sila sa itinakdang 30-araw na deadline ng Malakanyang para makapaglabas ng resulta ng imbestigasyon ang PNP at NBI sa kaso ng mga nawawalang sabungero.

Nangako ang pamunuan ng PNP na noong nakaraang Linggo ay maghaharap sila ng kaso laban sa mga Security Personnel ng Manila Arena hinggil sa pagkawala ng anim na sabungero ngunit ito ay naantala.

Pati ang pagdinig ng Senate Committe on Public Order ay sinuspinde upang bigyang daan ang imbestigasyon ng NBI at PNP.