Kurt Matthew Teves dinikdik ng Las Piñas police

Sinampahan na ng kaso ng Las Piñas police si Negros Oriental Board Member Kurt Matthew Teves dahil sa pambubugbog nito sa isang sekyu, kamakailan.

Sa ulat, na noong Miyerkoles kinasuhan si Teves ng physical injuries, grave threats, at paglabag sa Omnibus Election Code.

Matatandaang nakuhanan pa ng video si Teves habang binubugog ang security guard ng BF Homes Parañaque subdivision nang hindi ito papasukin sa Concha Cruz gate sa Las Piñas City.

Paliwanag ng sekyu, walang sticker ang sasakyan ni Teves kaya’t hindi ito maaaring pumasok ng subdivision.

Matapos ang insidente, humingi ng tawad si Teves at nagbitiw bilang board member.

Anak si Kurt Matthew Teves ni Negros Oriental 3rd District Rep. Arnolfo Teves, Jr.