PH lifters sasabak sa Asian Youth, Jrs Championships

PANGUNGUNAHAN nina Vietnam Southeast Asian Games double gold medalist Vanessa Samo at World Youth champion Rose Jean Ramos ang kampany ng Pilipinas sa Asian Youth and Junior Weightlifting Championship na nakatakda sa July 15 to 25 sa Tashkent,Uzbekistan.

Samo, na ipinanganak sa Bohol, ay sasabak sa women’s 71kg category ng junior division (15 to 20 years old) kasama si Rose Jean Ramos (women’s 45kg), Rosegie Ramos (women’s 49kg), Giselle Anne Betua (women’s 55kg), Joefry Frasco Jr. (men’s 55kg) at John Raphael Macato (men’s 67kg).

Ang Zamboanga City-based Rose Jean Ramos ay lalahok rin sa Youth division (13 to 17 years old), kasama si Angeline Colonia (women’s 40kg), Rosalinda Faustino (women’s 49kg), Kiesha Mae Felisilda (women’s 55kg), Prince Keil de los Santos (men’s 49kg), Jun Dominic Bohol (men’s 55kg), Adrian Cristobal (men’s 61kg) at Christian Rodriguez (men’s 67kg).

Ang Filipino lifters ay sasamahan ng coaches Allen Jayfrus Diaz (Zamboanga), Christopher Bureros (Cebu), Samuel Alegada (Bohol) and Edmundo Jose Cardan (Manila).

Ang 18-anyos Samo ay nagwagi ng 2 gold medals(snatch at total) at 1 silver medal (clean and jerk) sa Youth division sa 2019 3dition ng tournament na ginanap sa Pyongyang,North Korea.

Ang iba pang medalist ay sina Chariz Macawili, nagbulsa ng 2 silvers (clean and jerk, at total) at 1 bronze medal sa (snatch) sa 49kg category.

Ang Uzbekistan tournament ay bahagi ng national teams preparation para sa SEA Games sa Cambodia at Asian Games sa Hangzhou, China sa susunod na taon.

Samo, na reigning Asian champion, ay nasungkit ang women’s 71kg gold medal sa Vietnam Sea Games nakaraang buwan, nagtala ng bagong rekord sa snatch (104kg) clean and jerk (124kg) at total (239kg).

Rose Jean Ramos, 17 ay matagumpay na nadepensahan ang women’s 45kg title sa World Youth Weighlifting Championship sa Domo dela Feria sa Leon City, Guanajuato, Mexico ngayon buwan.

Pinagharian ang clean and jerk (85kg), second sa snatch (70kg) at naitala ang best total 155kg.

Ang Samahang Weighlifting ng Pilipinas (SWP) ay magpapadala rin ng atleta sa Bogota,Columbia para sa International Weighlifting Federation Senior World Championship, na unang event sa 2024 Paris Olympic Games qualifying schedule.

Magsasagawa rin ang SWP ng kanilang National Open sa Agosto 8 to 12.