3 Tumador pinatay habang nag-iinuman

DEAD on the spot ang tatlo katao sa nangyaring pamamaril sa Sitio Colombasinong, Barangay Colongulo, Surallah, South Cotabato, Linggo ng gabi.

Kinilala ng Surallah PNP ang mga namatay na sina Juan Diangco Pidoy, 44 anyos, may asawa; Mark Anthony Laureño Pidoy, 22 anyos, binata, kapwa mga minero at residente ng nabanggit na lugar; at Jason Oga Mangumpaos, 32 anyos, may asawa, isang magsasaka at residente naman ng Barangay K’matu. T’boli, South Cotabato.

Ayon sa mga otoridad, nag-iinuman ang tatlo sa pamamamahay ni Juan Diangco Pidoy nang biglang dumating ang mga armadong kalalakihan na pawang naka-itim at naka-bonnet.

Tatakas pa sana ang mga biktima ngunit pinagbabaril na ang mga ito na naging dahilan ng kanilang agarang pagkamatay.

Nagpakilala din umanong mga miyembro ng PDEA ang mga suspek.Nakuha sa pinangyarihan ng krimen ang 20 basyo ng bala ng umano’y kalibre 45 na baril.

Sa ngayon, nagpapatuloy ang follow-up investigation ng Surallah PNP sa insidente.