PBBM nagtalaga ng 3 bagong opisyal sa SRA

NAGSAGAWA ng reorganization si Pangulong Ferdinand “Bongbong” Marcos Jr. sa Sugar Regulatory Administration (SRA).

Kasunod ito ng pagbibitiw ng ilang opisyal ng naturang tanggapan dahil sa umano’y illegal resolution na pinirmahan ni resigned Usec. Leocadio Sebastian, SRA Administrator Hermenegildo Serafica at iba pa.

Kaugnay nito, itinalaga ng pangulo si David John Thaddeus Alba bilang SRA acting administrator.

Nabatid na si Alba ay dating general manager ng Asociacion de Agricultores de La Carlota y Pontevedra Inc. at La Carlota Mill District Multi-Purpose Cooperative.

Habang kakatawan naman para sa sugar planters si Pablo Luis Azcona at si Ma. Mitzi Mangwag bilang kinatawan ng sugar millers.