Mahihirap na sektor sa Surigao tinulungan ni Bong Go

NANAWAGAN si Senator Christopher “Bong” Go sa pamahalaan na patuloy na paigtingin ang mga pagsisikap sa pagbangon ng ekonomiya upang matulungan ang mas maraming Pilipino, partikular ang mga nasa mababang kita na komunidad sa buong bansa.
Sa isang video message sa isang relief operation na inorganisa ng kanyang team sa Barobo, Surigao del Sur, tiniyak ng senador na determinado siyang ipagpatuloy ang pagbibi-gay ng kinakailangang suporta sa mga mahihinang sektor sa gitna ng patuloy na pandemya.
Ang grupo ni Go ay nagsagawa ng relief activity sa Barangay Poblacion Gymnasium kung saan namigay sila ng mga bitamina, kamiseta, maska at meryenda sa 300 nahihirapang residente. Namigay din sila ng sapatos, cellular phone, at bola para sa basketball at volleyball sa mga piling indibidwal.
Samantala, ang Department of Social Welfare and Development ay nagpaabot ng tulong sa pamamagitan ng Sustainable Livelihood Program nito upang matulungan ang mga residente na magbukas ng kanilang sariling maliit na negosyo na maaaring tumustos sa kanilang pang-araw-araw na pangangailangan.
Nag-alok din si Go na tulungan ang mga may problema sa kalusugan at pinayuhan silang bisitahin ang Adela Serra Ty Memorial Medical Center sa Tandag City o Lianga District Hospital sa bayan ng Lianga kung saan may mga Malasakit Center na handang tumulong sa kanila.
Ang Malasakit Center ay isang one-stop shop na nagsasama-sama sa ilalim ng isang bubong na may kaugnayang ahensya, ka-tulad ng DSWD, Department of Health, Philippine Health Insurance Corporation, at Philippine Charity Sweepstakes Office, upang matiyak na ang mga mahihirap ay may mas madaling access sa mga programa sa tulong medikal. Mayroon nang 152 na mga sentrong naitatag sa buong bansa.
Si Go, bilang Vice Chair ng Senate Committee on Finance, ay sumuporta din sa pagtatayo ng flood control at drainage system sa Brgy. Rosario, paggawa ng kalsada mula Brgys. Maticdum sa Maitom, at pagkonkreto ng mga Brgy. San Isidro hanggang Ma-ticdum farm-to-market road sa Tandag City.
Ang iba pang mga hakbangin na sinuportahan niya sa lalawigan ay ang rehabilitasyon ng mga kalsada sa Barobo, Cagwait, Carmen, Madrid, Marihatag, San Agustin, San Miguel, Tago at Bislig City; pagtatayo at rehabilitasyon ng mga multipurpose na gusali sa Barobo, Bayabas, Carmen, Cortes, Hinatuan at Tagbina; at pagtatayo ng mga evacuation center sa Carmen at Bislig City.