Lider ng pyramiding scheme pumanaw sa loob ng Bilibid

YUMAO sa New Bilibid Prison (NBP) ang lider ng isang investment firm na nasa likod ng multi-bilyong pyramiding scam.

Ayon kay Deputy Director General Gabriel Chaclag ng Bureau of Corrections, nakuha na ng pamilya ang labi ni Jachob “Coco” Rasuman na nasawi dahil sa heart attack.

Si Rasuman, anak ni dating Public Works Undersecretary Bashir Dimaampo Rasuman, ang utak ng investment scam na nakakulimbat ng mahigit P247 million mula sa daan-daang investors hindi lamang sa Pilipinas kundi maging sa Singapore.

Naaresto noong 2012 sa Marawi si Rasuman at dinala sa Maynila nang kasuhan ng Syndicated Estafa kasama ang siyam iba pa.