6 patay sa sunog sa Navotas City

ANIM na miyembro ng pamilya ang nasawi kabilang ang apat na menor de edad, nang makulong sa nasusunog na bahay sa Area 5, Barangay Dagat-Dagatan, Navotas City, Biyernes ng umaga.

Sa paunang ulat ng Bureau of Fire Protection (BFP), kinilala ang mga nasawi na sina Donsito Boiser, 41 anyos; Reynosa Muscoso, 41; Raymond Boiser, 10; Arriana Boiser, 3; Reinna Boiser, 2; at Natalia Boiser, 14.

Umabot sa unang alarma ang sunog na tumagal lamang ng 23 minuto at idineklarang fire out 5:44 ng umaga.

Iniimbestigahan pa ng mga awtoridad ang sanhi ng sunog at halaga ng mga natupok na ari-arian.