Bantag, nasaktan sa mga banat ni Percy Lapid sa kanyang ‘bahay at mga sasakyan’

IBINUNYAG ng sinasabing middleman na nag-facilitate sa planong pagpatay sa broadcaster na si Percy Lapid na nasaktan ang suspendidong si Bureau of Corrections chiefna si Gerald Bantag sa mga naging komentaryo laban sa kanya.

Ito umano ang ipinaabot ni Cristito Villamor Palaña kay Joel Escorial na umaming gunman sa krimen.

Partikular daw na nasaktan si Bantag sa mga komentaryo ni Lapid sa bahay at mga sasakyan nito.

Nanawagan naman si Department of Justice (DoJ) Secretary Jesus “Boying” Remulla kay dating Bureau of Corrections Director, General Gerald Bantag; at BuCor Deputy Security Officer, Superintendent Ricardo S. Zulueta, na magpartisipa o mag-cooperate ang mga ito sa isinagawang preliminary investigation ng DOJ kaugnay sa mga isinampang reklamo laban sa kanila.

Hinamon pa ng kalihim si Bantag na kung talagang wala siyang kasalanan, humarap siya at sabihin ang lahat ng kanyang saloobin sa investigating prosecutor sa pagmamagitan ng paghahain ng kanyang kontra salaysay.

Sinabi pa ng kalihim, hindi na nangangailangan ng immigration lookout bulletin order (ILBO) laban kina Bantag at Zulueta dahil mga government officials ang mga suspek.

Subali’t iniutos ng kalihim ang pagproseso ng kagawaran ng katarungan ang paghahain ng prosecutionary hold departure order sa korte laban sa mga suspek.