VOTER REGISTRATION PARA SA BARANGAY AT SK ELECTION OPEN ULI SA DEC. 12

BUBUKSAN uli sa Disyembre 12 ang voter registration para sa Barangay and Sangguniang Kabataan elections (BSKE).

Ayon sa Commission on Elections, magtatagal ang voter registration hanggang sa Enero 31, 2023 lamang.

Upang makapagpatala, kailangan lamang ng registrants na magtungo sa tanggapan ng election officer o sa satellite registration sites sa kanilang lugar.

Bukas ang rehistruhan mula Lunes hanggang Sabado, kabilang ang holidays, mula 8:00 ng umaga hanggang 5:00 ng hapon.

Kabilang sa mga maaaring magparehistro ay ang first-time SK election voters at regular voters; transfer of voter registration record; reactivation ng voting status; at correction/change of entries sa voter registration record.

Samantala, tuloy din ang pilot testing activity ng Register Anywhere Project (RAP) sa susunod na buwan. (Andi Garcia)