Kabaong, grand prize sa raffle sa isang X-mas party

PAMATAY ang mga papremyo sa raffle sa Christmas party ng isang kumpanya. Kabaong ang grand prize.

Ayon sa ulat, ang grupong Philippine Mortuary Association ang nagdaos ng party kaya kakaiba ang mga papremyo nila.

Bukod sa mga kabaong, kabilang din sa mga premyo ang formaldehyde na pang-embalsamo at mga marble urn.

Masaya naman daw ang mga nabunot dahil hindi biro ang presyo ng mga kabaong.