41 na biktima ng paputok

NAKAPAGTALA pa ang Department of Health (DoH) ng limang bagong kaso ng fireworks-related injury nitong Huwebes, December 29.

Dahil dito, 41 na ang kabuuang bilang ng nabiktim ng paputok mula sa 61 DoH sentinel hospitals.

Mas mataas ito ng 52 porsiyento kumpara sa bilang na naitala sa kaparehong panahon noong 2021.

Patuloy naman ang paalala ng DoH, maging ng Philippine National Police at ilang advocate groups na iwasan ang pagpapaputok sa halip ay gumamit na lamang ng mga alternatibong pampaingay.