Higit 7k residente inilikas sa baha sa Bulacan

MAHIGIT 2,198 pamilya o 7,198 indibidwal ang dinala sa evacuation center nitong Linggo dahil sa pagbaha sa Bulacan.

Kabilang sa mga inilikas ang 5 pamilya (25 indibidwal) sa Pulilan; 65 pamilya (238 indibidwal) sa Plaridel; 1,498 pamilya (6,487 indibidwal) mula sa Baliwag; 46 pamilya (20 indibidwal) sa angat; 114 pamilya (400 indibidwal) sa San Rafael at 470 pamilya mula Norzagaray.

Ayon sa mga residente, Huwebes ng gabi nang tumaas ang tubig sa kanilang lugar sanhi ng pagpakawala ng tubig ng Angat at Ipon dams nitong Sabado.

Nanawagan ang mga residente na mabigyan sila ng mga damit at pagkain.