Speaker Romualdez nag-alok ng P.5m pabuya sa makapagtuturo sa “killers” ni Salilig

NAG-ALOK ng P500,000 na pabuya si House Speaker Ferdinand Martin Romualdez sa sinumang makapagbibigay ng impormasyon o makapagtuturo sa mga responsable sa pagkamatay ni Adamson University student John Matthew Salilig.

Isang chemical engineering student si Salilig na nasawi sa isang fraternity hazing at inilibing ang bangkay na natagpuan sa isang bakanteng lote sa Imus, Cavite.

Ayon kay Romualdez, ang alok niyang pabuya ay upang agad na matukoy ang mga nasa likod ng krimen.

“This is to encourage individuals to come forward and coordinate with the authorities to help the arrest and prosecution of the suspects or those who have knowledge behind the death of Salilig. Brothers do not kill brothers. Frat-related or not, any crime that results in death deserves utmost condemnation,” pahayag ni Romualdez.