Amerika tutulong narin sa paglilinis ng oil spill sa Oriental Mindoro

SINABI ni Defense chief Carlito Galvez nitong Martes na ang gobyerno ng Estados Unidos ay nangakong tutulong sa paglilinis sa oil spill sa Oriental Mindoro.

Iniulat ni Galvez kay Pangulong Ferdinand “Bongbong” Marcos Jr. na nangako na ang Kalihim ng

Depensa ng Estados Unidos na si Lloyd Austin na maglalagay ng mga yunit ng hukbong-dagat para tumulong sa operasyon ng paglilinis sa lugar.

Idinagdag ni Galvez na tiniyak ni Austin sa gobyerno ng Pilipinas na ang kanilang HADR team ay patungo na upang tumulong at magbigay ng tulong sa pamamahala ng oil spill.

Sinabi ni Galvez na ang gobyerno ng Pilipinas ay magpapatuloy din sa paghahanap ng kadalubhasaan at teknikal na suporta ng iba pang mga kasosyong bansa, tulad ng France at United Kingdom, sa pagpigil sa oil spill. (Vanz Fernandez)