P2.7m shabu nasabat sa Quezon

Nasabat ang shabu na nagkakahalaga ng P2.7 milyon sa buy-bust operations sa lugar na ito nitong Miyerkules.

Naaresto ng Candelaria Drug Enforcement Unit ang tatlong umano’y pusher na kinilalang sina Michael Malasma Dakila, Leovernie Montenegro Quitain, at Gerson Dinglasan Silva.

Sinabi ni Candelaria police chief Lt. Col. Dennis de Leon na natukoy si Dakila bilang high-value individual habang sina Quitain at Silva ay street-level individuals.

Nahuli sina Dakila at Quitain sa Purok 4, Barangay Masin Norte. Samantala, naaresto naman si Silva sa Purok 4, Barangay Malabanban Sur.

Kasalukuyan silang nasa kustodiya ng Candelaria Police Station ang suspek na nahaharap sa drug-related charges.