Drug den pinatatakbo ng 17-anyos, sinalakay

SINALAKAY ng mga ahente ng Philippine Drug Enforcement Agency-Central Visayas ang isang drug den na pinapatakbo ng 17-anyos na lalaki at kanyang kasabwat sa Tagbilaran City, Bohol.

Nagbunsod ang operasyon sa isang ulat na ginawang drug den ng lalaki at kanyang kasabwat na si Mark Joseph Daroca, 30 anyos, ang isang abandonadong bahay sa Barangay Dao.

Nahuli si Daroca sa operasyon, samantalang ang lalaki ay ipinagkaloob sa City Social Welfare and Development Office.

Tatlong iba pang indibidwal ang naaresto sa drug den.

Kasama sa mga nasamsam ang pitong pakete ng shabu na nagkakahalaga ng P40,800.