La Salle pinatalsik ang Ateneo niyapos ang No.1 seed

NIYAPOS ng De La Salle University ang No.1 seed sa UAAP women’s volleyball semifinals matapos walisin ang Ateneo,25-22,25-19,25-18, Linggo sa Mall of Asia Arena.

Kumana si Shevana Laput ng career-high 16 points on 15 attacks at one ace para sa Lady Spikers na umangat sa 12-1 win-loss rekord, at mabiyayaan ng twice-to-beat advantage sa Final Four.

Nalasap ng Blue Eagles ang kanilang ika-siyam na kabiguan sa 13 laban.

“The victory was amazing. We had to fight harder because we started slow,” Wika ni Laput. “Points-wise, I had no idea that I got that many, but I’m proud of myself.”

Angel Canino at Thea Gagate may pinagsamang 25 puntos para sa La Salle.

Vanie Gandler umiskor ng 13 points para sa Blue Eagles, na natalo ng 12 sunod-sunod sa Lady Spikers.

Tatapusin ng La Salle ang prelims laban sa University of the East habang ang Ateneo makakaharap ang defending champion National University sa Sabado.