Pagbalik sa mandatory face mask policy ipinauubaya na sa IATF, DOH ni PBBM

HINDI pa nakikita ni Pangulong Ferdinand Marcos Jr., ang pangangailangan na ibalik ang mandatory na pagsusuot ng face mask, sa kabila ng pagtaas muli ng Covid-19 cases sa bansa.

Sa panayam kay Pangulong Marcos sa loob ng eroplano, sinabi nito na kailangan pag-aralan ito muli.

Ayon sa Pangulo dapat maging masigasig muli sa paghihikayat na magpa-bakuna laban sa Covid-19 partikular ang mga kabataan.

Sinabi pa ng Pangulo, ang maiinit na panahon sa bansa ang nagiging dahilan sa pagiging vulnerable ng mga ito sa Covid-19.

Naka-antabay din ang Pangulo sa magiging guidance ng Inter-Agency Task Force (IATF) at maging ng Department of Health (DOH).