Tatum binuhat ang Celtics vs 76ers, naipuwersa ang Game 7

NAGPASABOG si Jayson Tatum ng apat na three-pointers sa final 4:14 sa fourth quarter upang tulungan ang Boston Celtics na durugin ang host Philadelphia 76ers, 95-86 para ipantay ang kanilang Eastern Conference semifinals series sa 3-3 Huwebes Mayo 11 (Biyernes Mayo 12 Manila time).

Ang game 7 ay lalaruin sa Boston Linggo.

Nagtapos si Tatum ng 19 points,9 rebounds, at 6 assists on 5-of 21 shooting.

“I’m one of – humbly, one of the best basketball players in the world,” Wika ni Tatum sa postgame interview sa ESPN. “You go through struggles. You go through slumps. My teammates trusted me.”

Pinamunuan ni Marcus Smart ang opesa ng Celtics sa iniskor na 22 points at Jaylen Brown nagdagdag ng 17. Malcolm Brogdon nag-ambag ng 16, Robert Williams bumakas ng 10 points at 9 rebounds, habang si Al Harford humatak ng 11 rebounds.

Joel Embiid umiskor ng 26 points,10 rebounds, at 3 blocked shots at Tyrese Maxey nagdagdag ng 26 points para sa Sixers, na hindi pa nakapasok sa Eastern Conference finals simula noong 2001.

James Harden may 13 points at 9 assists.