6 malalaking bansa kailangan ng Filipino nurses – DMW

INIHAYAG ng Department of Migrant Workers (DMW) na anim na malalaking bansa ang pursigidong nakikipag-usap ngayon sa kanila para sa pagkuha ng Filipino nurses.

Kabilang dito ang United States (US), Saudi Arabia, Austria, Singapore, Japan at Germany.

Kinumpirma ng DMW na nakikipag-usap na sa kanila ang ambassador ng naturang mga bansa.

Anila, malaking bilang ng Pinoy nurses ang kakailanganin ng nasabing mga bansa.

Bunga nito, iginiit ng DMW na taasan ng pamahalaan ang sweldo at benepisyo ng Pinoy nurses para hindi sila mapilitang mangibang-bansa.