PBBM NAGTALAGA NG ILANG GOV’T OFFICIALS

NAGTALAGA si Pangulong Ferdinand Marcos Jr. ng mga bagong opisyal sa ilang ahensya ng gobyerno.

Ayon kay Presidential Communications Office (PCO) Sec. Cheloy Garafil, kabilang sa mga latest appointees si Romeo Allan Rosales na inilagay bilang Collector of Customs VI ng Bureau of Customs (BOC) habang itinalaga naman si Reinalyne Varias bilang Director III ng Office for Alternative Dispute Resolution na nasa ilalim ng Department of Justice (DOJ).

Si Mathias Malenab ay ipinuwesto ni PBBM bilang Director III ng Department of Public Works and Highways (DPWH) habang parehong posisyon din ang nakuha ni Bonifacio Pajuelas sa Phil. Atmospheric, Geophysical and Astronomical Services Administration (PAGASA).

Iniluklok rin ni Pangulong Marcos si Khay Ann Magundayao-Borlado bilang Deputy Executive Director ng Phil. Commission on Women na nasa ilalim ng Department of the Interior and Local Government (DILG).

Kasabay nito, in-appoint ng Presidente si David Erro bilang miyembro ng Board of Directors ng Landbank of the Philippines na kumakatawan sa mga Agrarian Reform Beneficiaries (ARBs) habang si Col. Jose Jesus Luntok ay iniluklok naman bilang commander ng Light Reaction Regiment ng Phil. Army (PA). (Gilbert Perdez)