Lalaki nagwala sa lamay, sinuntok ang kabaong; ginulpi ng mga nakikipaglamay

BUGBIG-SARADO ang inabot ng isang lalaki na nagwala sa isang lamayan, sinuntok ang ataul ng patay sa Cebu City.

Sa ulat, makikita ang lalaki na umano’y lasing na pumasok sa kapilya kungsaan ginagawa ang lamay at biglang nagwala.

Nang makita siya ng mga tao, nagkaroon ng suntukan hanggang sa tumakbo palabas ang lalaki.

Pero hinabol siya ng mga tao at ginulpi nang maabutan, at ipinaaresto.

Ayon sa kapatid ng lalaki, mayroon umano itong iniindang problema sa pamilya.

Humingi ng paumanhin ang salarin at ang kaniyang pamilya, pero desidido ang pamilyang nagambala ang pagluluksa na ituloy ang pagsasampa ng reklamo laban sa lalaki.